ក្រចេះស្នេហ៍បង – ជ័យ សុវ៉ាត

១.សែនស្រស់អ្វីម៉្លេះ ក្រចេះបងអើយ! បានជួបអូនហើយ ក្រោយពាក្យដំណាល
កំលោះភ្នំពេញ គួចចិត្តប្រាថ្នា សូមប្រលោមផ្កា ក្នុងគ្រានេះហើយ..

២.ឱ! ព្រែកប្រសព្វ សូមឈប់ព្រងើយ ស្រុកឈ្លូងស្នួលអើយ! កន្តើយដល់ណា!
នៅជិតបូរី បងឮភ្លេងការ សំបូរសួរថា ចង់រៀបការទេ?

៣.រយពាន់សារភាព ជម្រាបសុំស្នេហ៍ កាឡានថ្មក្រែ កេរ្តិ៍ឈ្មោះល្បាញល្បី
ចិត្តរឹតចង់ញ៉ាំ ណែមខ្ចប់ដៃស្រី ក្រូចថ្លុងឆ្ងាញ់ក្រៃ ទឹកដីកោះទ្រង់..

៤.រៀមសូមសន្យា រក្សាតូចតន់ ឱ! ភ្នំប្រាំពាន់ជួយជាសាក្សី
សូមព្រែកកាំពី សុពណ៌កាឡី បន្ទន់ចិត្តស្រី ឱ្យប្រណីបង..